Skip to main content
Македонија

Слаткар и Тони Зен го откажаа концертот: “Не ни е до песна, ни до микрофон”

24/03/2025  14:09

Марко Маринковиќ – Слаткар и Тони Зен го откажаа концертот кој требаше да се случи на 5 април и го презакажаа за 11 октомври во Арената Борис Трајковски. Ова се должи на трагедијата која се случи во Кочани кога 59 млади лица го загубија животот во дискотеката “Пулс”.

– Не ни е до песна, не ни е до сцена, не ни е до светло, не ни е до микрофон.

Ова што се случи… ја скина душата на цела нација. Нè боли. Нè дави. И не можеме да се правиме дека не е така.

Затоа, заедно со @pragmaproduction решивме концертот кој беше планиран за 5 април, да го презакажеме за 11 октомври.

Ќе дојде време за музика, за глас, за сила. Ама сега – само молк. И почит.