Американската амбасада во Тирана денеска објави уште едно анимирано едукативно видео, овој пат за тоа како Националното биро за истраги, или БКХ и специјалните обвинители ќе можат да ја истражуваат корупцијата на највисоко ниво.
Видеото е објавено на официјалниот профил на Фејсбук на американската амбасада.
Според амбасадата, оваа многу важна струкура е слична на американското Федерално истражно биро(ФБИ) и ќе таргетира високи функционери во земјата за истрага.
– Оваа недела ќе зборуваме за Националното биро за истраги, или БКХ накратко. Што е БКХ? Зошто е важно БКХ? Погледнете го ова видео за да дознаете како БКХ и Специјалните обвинители ќе можат да ја испитуваат корупцијата на највисоко ниво. Која е реформата во правосудството? Стоп на корупцијата! пишува на постот на фејсбук на кој е и видеото.
Амбасадата на САД претходно објави три анимирани едукативни видеа.
Во првото дава објаснување за значењето на процесот „ветинг” а во второто на граѓаните им објаснува како се врши избор на судии за Уставниот суд и како функционира оваа институција.
Во третто едукатвно видео зборува за СПАК – Специјална структура против корупција и организиран криминал што е нова уставна институција чија задача е да истражува и кривично да ја гони корупцијата, организираниот криминал и да ги расветлува кривичните дела извршени од страна на службени лица на високо ниво. Се објаснува дека СПАК се состои од два дела: Специјално обвинителство кое се состои од обвинители и Национално биро за истраги кое го сочнуваат истражители.
