Вечерва две лица ранети од огнено оружје, едниот ранет е син на пратеникот Адеми
Семејството на пратеникот на ДУИ Џеват Адеми ја потврди веста на порталот „Лајм“ дека неговиот син вечерва е ранет од огнено оружје, но демантираат дека Адеми го повредил.
Претходно, „Лајм“ објави дека Адеми без да има намера, го ранил синот со огнено оружје. Сепак, од семејството демантираат дека е така, и додаваат дека синот на пратеникот е повреден од заталкан куршум.
-Станува збор за заталкан куршум од свадбена веселба, велат од семејството на Адеми и додаваат дека двете повредени лица се во добра и стабилна состојба.
Едното лице е сместено во тетовската болница, додека другото е пренесено на Скопските клиники.
Во несреќата повредени се две лица.
