Анастасија Ражнатовиќ и Немања Гудељ денеска тајно се венчаа и ја овековечија својата љубов пред законот.
Имено, тие се венчаа пред матичар во вилата Ражнатовиќ на Дедиње, а изненадија со својот стајлинг за оваа пригода.
Анастасија облекла свилена венчаница без ракави, а она што е интересно, барем судејќи по фотографијата што ја објави нејзиниот брат Вељко, е тоа што младата пејачка наместо класичен бел, носеше фустан во крем боја.
Од друга страна, Немања беше целосно опуштен во бела маица и црни панталони.
За семејството Ражнатовиќ денеска е радосен ден поради свадбата на Анастасија и Немања Гудеље, кои законски го официјализираа својот брак. Цеца Ражнатовиќ веднаш проговори за бракот на нејзината ќерка.
-Сите сме многу среќни и со нетрпение го очекувавме овој ден! Посакувам да се сакаат и почитуваат, а се што носи животот да се троши во љубов – изјави пресреќната Цеца за медиумите, чии родители дојдоа од Житораѓа да бидат сведоци на важниот чин на нивната внука.
Да потсетиме, парот се венча во манастирот Рајиновац минатата година во јули, а на свеченоста присуствуваа и само нивните најблиски членови на семејството.
