Рајан Рејнолдс и Блејк Лајвли ги воспитуваат своите деца поинаку отколку кога тие двајца растеле. Актерот, кој има четири деца со Блејк, изјави дека се труди да им пружи „што е можно понормален живот“, но и признава дека пораснале во привилегирани услови.
„Се трудам да не им ја наметнам разликата меѓу нивното детство и моето или на Блејк“, изјави Рејнолдс во интервју за Холивуд Репортер.
„И двајцата пораснавме во работничка класа и се сеќавам кога беа мали си мислев: „Господе, никогаш немаше да добијам ваков подарок како дете“ или „Никогаш немаше да го имам луксузот да нарачам храна за носење, или такво нешто“, рече тој.
Сепак, тој рече дека со текот на времето сфатил дека нивните деца немаат потреба да го носат овој товар поради успехот на нивните родители. „Сфатив дека тоа не е нивна грижа, не е нивен товар. Тие се веќе многу благодарни и доволно го разбираат светот за да имаат силно чувство на емпатија“, додаде тој.
„Тоа се работите што ги гледам како знаци дека правиме добра работа, ако нашите деца можат да сочувствуваат со другите луѓе и децата. Но, да, тоа е поинаку. Кога бев дете, само излегував од дома, стискав заби и се враќав до зајдисонце. Тоа денес не можам ни да го замислам“, објасни актерот.
Рејнолдс се осврна и на темата татковство. „Никогаш не сакам да бидам отсутен татко, ниту пак сакам да пропуштам важни моменти. Умирам одвнатре кога ќе ги видам нивните лица откако имаат натпревар или спортски настан, а јас сум го пропуштил“, рече тој.
