Полицијата во Гевгелија приведе 45-годишна жена од Богданци, осомничена за кражба на мобилен телефон од вработена во ЈЗУ „Општа болница“ Гевгелија.
Според информациите од Министерството за внатрешни работи, М.П. била лишена од слобода на 17 јули во 16:10 часот, откако било утврдено дека истиот ден, околу 10:00 часот, од просторија во болницата одзела мобилен телефон кој бил сопственост на вработена во здравствената установа.
Во службен разговор со полициските службеници, таа го признала делото, по што од неа бил одземен мобилниот телефон. Телефонот ќе биде вратен на неговата сопственичка.
За случајот е известен јавен обвинител од Основното јавно обвинителство Гевгелија, а по неговото целосно документирање, против осомничената ќе биде поднесена соодветна кривична пријава.
