Денеска во кривичниот суд во Идризово, продолжува судењето за пожарот во кочанската дискотека „Пулс“, во кој загинаа 63 лица, а над 200 беа повредени, кое влегува во фаза на изведување материјални докази.
Се очекува денеска да се започне со изведување на судско медицинските обдукциски наоди за причините на смртта на жртвите во пожарот.
Од Обвинителството посочуваат дека по изведувањето на обдукциските наоди и она што е констатирано, ќе биде повикано вештото лице кое ќе одговори на се она што не било одговорено или отворило прашања во јавноста.
Од Обвинителството не може да кажат колку рочишта ќе бидат потребни за изведување на материјалните докази, и тоа, како што посочи, зависи и од одбраната и дали и колку ќе има опструкции, но тоа е работа на судот да се грижи за економичност и ефикасност на постапката.
Видеоматеријалите што се предложени како докази, на денешниот брифинг беше посочено дека, нема целосно да се прикажуваат во судница, бидејќи делови од нив не се важни за обвинението.
