Месечината не е крајна дестинација, туку неопходна фаза кон подалечни мисии, вели Радан Митровиќ од Скопско астрономско друштво.
Тој објасни дека човештвото прво мора да научи како безбедно да испраќа и враќа луѓе од Месечината, пред да се размислува за посложени мисии како оние кон Марс.
„До Месечината и назад се патува десетина дена, додека до Марс и назад – околу две и пол години“, посочи Митровиќ.
Токму затоа, според него, Месечината претставува „попатна станица“ за идните вселенски истражувања.
