Медицинска сестра од Клиниката за кардиологија во Комплексот клиники „Мајка Тереза“ пријавила закани додека била на своето работно место.
Според информациите, ноќеска во 02:20 часот во СВР Скопје, 42-годишната М.И. од кумановско пријавила дека на 18 март 2026 година, околу 23:35 часот, 79-годишниот П.Б. од Скопје, кој бил во придружба на женско лице дојдено на преглед, упатувал закани кон неа и кон уште еден вработен.
Од полицијата информираат дека се преземаат мерки за расчистување на случајот.
