Израел објави дека започнал превентивен напад врз Иран, туркајќи го Блискиот Исток во нов воен конфликт и дополнително намалувајќи ги надежите за дипломатско решение на долготрајниот нуклеарен спор на Техеран со Западот, јавуваат светските агенции.
Нападот, кој се случи откако Израел и Иран влегоа во 12-дневна воздушна војна во јуни, доаѓа по повторените предупредувања од САД и Израел дека ќе нападнат повторно ако Иран продолжи со своите нуклеарни и балистички ракетни програми.
„Државата Израел започна превентивен напад врз Иран за да ги елиминира заканите за Државата Израел“, изјави министерот за одбрана Израел Кац.
Експлозии се слушнале во Техеран, објавија иранските медиуми. Медиумите известуваат за три експлозии и два густи облаци чад.
Fumée au-dessus de Téhéran : #Israel a frappé l'#Iran, alors que #Trump met la pression.
— Karine Bechet (@bechetgolovko) February 28, 2026
Un travail coordonné – formellement, ce ne sont pas les #USA, qui ont frappé … pic.twitter.com/71c7OC39dt
Израелската операција во Иран во саботата беше координирана со САД, изјави неименуван израелски функционер за одбраната за британската новинска агенција Ројтерс.
Операцијата е планирана со месеци, а нејзиниот датум е одреден пред неколку недели, додаде тој.
Ројтерс, исто така, објави дека врховниот лидер на Иран, ајатолахот Али Хамнеи, не е во Техеран и е префрлен на безбедна локација.
Мобилните телефонски врски се во прекин во Техеран, а интернетот е делумно во прекин.
