Skip to main content
Македонија

Запленети над 6.000 парчиња пиротехника на Бит Пазар

31/12/2025  10:25

На 30.12.2025 година, по преземени оперативно-тактички мерки од страна на Единицата за недозволена трговија при СВР Скопје, на улицата „192“ на подрачјето на Бит Пазар во Скопје, пронајдени и одземени се околу 6.000 различни парчиња пиротехнички средства.

Против лицата кои ја вршеле недозволената продажба на пиротехничките средства ќе бидат поднесени соодветни пријави, во согласност со важечките законски прописи. Полицијата најавува продолжување на засилените контроли во пресрет на новогодишните празници, со цел спречување на нелегалната трговија со пиротехника и заштита на безбедноста на граѓаните.