Српскиот претседател Александар Вучиќ во телефонски разговор со унгарскиот премиер Виктор Орбан ја разгледал актуелната состојба во областа на енергетската безбедност и дискутирал следни чекори за стабилизирање на ситуацијата.
„Исто така, ги разгледавме плановите за развој на регионални мрежи за транспорт, складирање и прием на енергија, имајќи го предвид приоритетното значење на стабилното снабдување со енергија за двете земји“, напиша Вучиќ на Инстаграм.
Претседателот изрази благодарност кон Унгарија и премиерот Орбан, нагласувајќи дека тие се „доверлив партнер на Србија во овие тешки времиња“. Вучиќ посочи дека со Орбан ја разгледале и позицијата на Србија на европскиот пат, како и геополитичката состојба, со посебен осврт на односите меѓу Украина, Русија и Европската унија.
