Дванаесет лица загинаа во пожар во станбена зграда во јужниот кинески град Шантоу, објави државната новинска агенција Синхуа.
Пожарот избувнал во вторник во 21:20 часот по локално време во четирикатна зграда и бил изгаснат околу 40 минути подоцна, објави Синхуа.
Истрагата за причината за пожарот е во тек.
Инцидентот се случи откако бројот на жртви во најсмртоносниот пожар во Хонг Конг се искачи на 160. Пожарот предизвика повици од кинеските власти да ги елиминираат безбедносните ризици во станбената индустрија.
Кина, исто така, минатиот месец најави сеопфатна инспекција на стандардите за противпожарна безбедност во високите згради низ целата земја, по смртоносниот пожар во Хонг Конг.
Пожарот во Шанту е најновиот во низата слични смртоносни инциденти низ целата земја во последниве години.
Во април, 20 лица загинаа во пожар во дом за стари лица во северната покраина Хебеј. Неколку недели подоцна, во пожар во ресторан во североисточна Кина загинаа 22 лица.
