На денешен ден пред седумнаесет години Тоше Проески трагично го загуби животот во сообраќајна несреќа кај Нова Градишка, на пат кон Загреб.
Естрадниот новинар и уредник на порталот Вистина.мк Антонио Димитриевски овојпат се присети и раскажа за дружењата професионални и приватни со големата ѕвезда.
-Замина, ама никогаш не замина. Го нема повеќе само физички, но неговите песни, дела, аура, хуманост вечно ќе ги паметиме, вели Димитриевски.
Димитриевски открива и на какви чудни патеки ќе те однесе животот кога во еден ден личната радост ќе се преплете со националната тага.
Вознемиреноста од веста за смртта на Проески влијаело и на раѓањето на ќерката на Димитриевски.
-Добив ќерка, нека ти е жива и здрава, ми велеа, но го изгубивме нашиот ангел. Мојот најрадосен ден беше денот кога сите ја споделувавме тагата. Голема лична радост и најголемата тага за Македонија, регионот, вели Димитриевски.
