Украинската противвоздушна одбрана синоќа собори 10 руски дронови и една ракета, од вкупно 14 беспилотни летала кои биле насочени кон Украина.
Руската армија истрела две балистички ракети „Искендер М“ и една наведувачка ракета „Кх-59“ во јужната Одеска област.
Во соопштението на украинската армија се наведува дека ракетата била уништена, но не е објавено дали биле пресретнати двете балистички ракети.
Во синоќешниот руски ракетен напад врз Одеска област загинаа две лица, а уништени се станбени згради и стопански објекти во предградијата на Одеса.
Во меѓувреме, руското Министерство за одбрана соопшти дека синоќа се соборени 29 украински дронови над седум руски области. Петнаесет дронови биле пресретнати над Брјанска област, која гранични со Украина. Другите беспилотни летала се соборени над Смоленска, Орловска, Белгородска, Калужска и Росковска област.
