Холандската микс штафета на 4×400 метри го освои златниот медал на ОИ во Париз. Во финалето на спектакуларната трка, Холандија ја победи штафетата на САД, која ден претходно постави нов светски рекорд во оваа дисциплина.
Светските медиуми пишуваат и ја коментираат трката, особено се воодушевени од Фемке Бол која ја трчаша последната измена за Холандија.
Бол е извонредна атлетичарка, меѓутоа во финалето доби тешка задача од колегите. Таа во последната измена влезе од четвртото место, веднаш започна да ја намалува предноста на противничките, во псоледните 100 метри дојде до третото место, а потоа во спектакуларен финиш ги престигна штафетите на Велика Британија и САД.
Покрај Бол во холандската штафета трчаа: Јуџин Омала, Лике Клавер, Исаја Клајн Икинк.
