Сува трева и деградирана шума гореле над манастирот во Матејче, неколку противпожарни екипи се смениле при гасење на пожар на стрништа помеѓу Агино село, Брзак и Романовце, соопшти денеска РЦУК Куманово.
Пожарот над манастирот Матејче избувнал во 19:30 часот, на терен го гаселе противпожарна екипа со тројца пожарникари, вработени во „Национални шуми“.
-Поради лоша конфигурација на теренот е непристапен за гасење. Дополнително го отежнува и намалената видливост во вечерните часови. Екипа на ТППЕ Куманово се врати во својата единица во 21: 40 часот. Една екипа на Македонски шуми остана да дежура во текот на ноќта и се повлекла од местото на настанот околу полноќ, велат од РЦУК Куманово.
![Гром предизивка пожар во Бајловце, општина Старо Нагоричане Гром предизвикал пожар на сува трева и шума во село Бајловце, општина Старо Нагоричане, информираа денеска од регионалниот центар за управување со кризи Куманово и од Територијалната противпо](https://mia.mk/articles/images/%D0%B3%D1%80%D0%BE%D0%BC%D0%BF%D1%80%D0%B5%D0%B4%D0%B8%D0%B7%D0%B8%D0%B2%D0%BA%D0%B0%D0%BF%D0%BE%D0%B6%D0%B0%D1%80%D0%B2%D0%BE%D0%B1%D0%B0%D1%98%D0%BB%D0%BE%D0%B2%D1%86%D0%B5%D0%BE%D0%BF%D1%88%D1%82%D0%B8%D0%BD%D0%B0%D1%81%D1%82%D0%B0%D1%80%D0%BE%D0%BD%D0%B0%D0%B3%D0%BE%D1%80%D0%B8%D1%87%D0%B0%D0%BD%D0%B5ksStj/BA0yJmzaY/small.webp?use_watermark=0)
Пожарот според последните информации не е активен и на локацијата дежура екипа на „Национални Шуми“, но, во соопштението на РЦУК Куманово се додава дека не е исклучена можноста за повторно активирање на пожарот, поради повисоките дневни температури.
Територијалната противпожарна единица бележи интервенции на опожарена сува трева покрај пругата на потегот помеѓу селата Агино Село-Брзак-Романовце во 16:00 часот. Во гасењето на опожарените површини во текот на денот учествувале пет противпожарни екипи, а во вечерните часови две возила со седум пожарникари кои работеле на догасување на пожарот кој целосно е изгаснат во 22:40 часот.