Ламин Jамал, најдобриот млад фудбалер на неодамна завршеното ЕП, од Барселона побарал зголемување на платата.
Јамал, кој постигна еден гол со четири асистенции за Шпанија на континенталниот шампионат, во иднина би можел значително да го оптовари буџетот на клубот од „Камп Ноу“.
Како што пренесува каталонски „Спорт“, неговиот агент Жорж Мендеш побарал одредени корекции во договорот.
Мендеш и неговиот тим сметаат дека платата која сега ја има Џамал не соодветствува со неговиот квалитет.
Младиот фудбалер на Барселона во моментов заработува 32.000 евра неделно, што значи дека има годишна плата од 1,7 милиони евра За споредба, Френки де Јонг заработува 700.000 евра неделно или 36,4 милиони по сезона.
Јамал има договор до 2026 година, но се верува дека клубот подготвил нов кој ќе важи до 2030 година.
Оттука, Мендеш му дал неколку рокови на клубот за да му ја зголеми платата на Јамал, односно неговата плата ќе расте од година во година.
Се верува дека Барселона ќе му ги исполни желбите, иако треба да се има предвид дека во Ла Лига има селери кап.
