Регионалните музички ѕвезди Жељко Јоксимовиќ и Светлана Ражнатовиќ – Цеца ги здружија силите и вредно работеа на нивната дуетска песна „Više od sreće“, која денеска беше објавена на Јутјуб и на сите останати музички платформи.
Како што пишуваат српските медиуми, Јоксимовиќ и Ражнатовиќ со месеци работеле на секој детаљ и се погрижиле песната да биде совршена. Тие вложиле многу труд за овој проект – од компонирање на музиката и пишување на текстот, па сè до студиското снимање и продукцијата на песната.
Текстот и музиката ги напиша Милош Рогановиќ, а аранжманот и продукцијата се дело на Јоксимовиќ.
