Две лица загинаа, а 15 се повредени при уривање на балкон во ноќен клуб во мексиканскиот град Сант Луис Потоси, соопшти државната служба за цивилна заштита на Мексико (ЦЕПЦ).
Несреќата се случила во ноќниот клуб Рич во локалниот трговски центар Алтус, пишува мексиканскиот дневен весник Миленио.
Според информациите клубот немал соодветни дозволи за работа, а директорот на трговскиот центар Маурицио Ордаз Флорес изјавил дека Државната служба за цивилна заштита извршила проверка на 15 март и утврдила дека клубот не ги исполнува безбедносните стандарди.
На социјалните мрежи се објавени вознемирувачки видеа од несреќата.
MEXICO🇲🇽 – a night out at the club turned tragic for these young people. At least 20 people fell from the terrace of the club to the ground below. The terrace is located on the third floor of the "Rich" bar in San Luis Potosí. They fell at least 6 meters.
— The Many Faces of Death (@ManyFaces_Death) June 8, 2024
3 people did not make… pic.twitter.com/WYWCnA0LJS
ЦЕПЦ потоа побара од раководството на клубот да ги исполни потребните услови за да може да се издаде работна дозвола.
Локален функционер на прес-конференција изјави дека една од оградите на третиот кат од трговскиот центар се срушила под притисок на луѓето.
Тој додаде дека е констатирано дека во клубот се одржувал настап на некој пејач, иако управата на објектот не поднела барање до надлежните органи за тоа и немало одобрение од ЦЕПС да го реализира тој настан.