Деветгодишно девојче, кое синоќа беше застрелано додека вечераше со семејството во ресторан во источен Лондон, е во критична состојба, јавува Скај њуз. Таа е една од четирите жртви во пукањето што се случи во источниот дел на градот. Девојчето се бори за живот, соопшти полицијата, а тројцата мажи на возраст од 26, 37 и 42 години се во стабилна состојба. Семејствата биле излезени на вечера кога се случило пукањето, а очевидци изјавиле за Скај њуз дека првично мислеле дека тоа е огномет пред да слушнат шкрипење на мотор. Никој не е уапсен, полициската истрага е во тек.
![](https://24info.mk/wp-content/uploads/2024/05/Screenshot-2024-05-30-172557.jpg)