Во јужната пакистанска провинција Синд, температурите се искачија над 52 Целзиусови степени, што е највисока вредност ова лето и блиску до рекордно високо ниво во земјата поради тековниот топлотен бран, соопшти Метеоролошкиот завод.
Во Мохенџо Даро, град познат по своите археолошки локалитети кои датираат од цивилизацијата на долината Инд, изградена во 2500 година п.н.е., температурите се искачија до 52,2 степени Целзиусови во изминатите 24 часа.
Како што изјави претставник на пакистанскиот метеоролошки оддел, Шахид Абас, тоа е највисоката температура досега и се приближува до рекордните вредности во градот и земјата од 53,5 степени Целзиусови и 54 степени Целзиусови.
Највисоката температура во Пакистан е забележана во 2017 година кога температурите се искачија на 54 степени Целзиусови во градот Турбат, кој се наоѓа во југозападната провинција Балучистан.
