Портпаролката на Министерството за надворешни работи на Русија Марија Захарова денеска изјави дека Берлин одбил да ја признае опсадата на Ленинград од страна на Третиот рајх како чин на геноцид.
„Властите на Сојузна Република Германија упорно одбиваат официјално да ги признаат злосторствата на Третиот Рајх против човештвото како акти на геноцид врз народите на Советскиот Сојуз, извршени во периодот на Големата патриотска војна. Прво, тие одбиваат да се признае блокадата на Ленинград како такво злосторство, ова произлегува од неодамнешниот одговор на Министерството за надворешни работи на Германија на нотата на руската амбасада во Германија, со соодветно барање од руската страна.
Во дипломатската нота од руската амбасада во Берлин се наведува дека Москва инсистира на официјално германско признавање на злосторствата на Третиот рајх како акт на геноцид.
Во документот се забележува „контрадикторниот пристап кон прашањето за официјалното признавање на злосторствата против човештвото како акти на геноцид извршени од Германија во минатото“.
На овој начин, се додава, Берлин ги призна злосторствата за геноцид од ерата на колонијализмот, но тоа се уште не е направено во врска со делата против народот на Советскиот Сојуз за време на Втората светска војна.
