Едно лице загина во авион кој летал од Лондон за Сингапур поради силни турбуленции, а неколку лица се повредени. Локалните медиуми јавуваат дека повеќе од 20 се повредени.
Авионот „Боинг 777-300ЕР“, кој летал за Сингапур, бил пренасочен кон Бангкок и слетал во 15:45 часот по локално време. Авионот превезувал вкупно 211 патници и 18 членови на екипажот, се наведува во соопштението за печатот на авиокомпанијата.
Images from inside Flight #SQ321. The plane dropped 6,000 feet in 3 minutes. @SkyNews pic.twitter.com/jzVJTG9wOJ
— Cordelia Lynch (@CordeliaSkyNews) May 21, 2024
Сингапур ерлајнс објави дека летот SQ321, кој летал од Лондон Хитроу до Сингапур, наишол на сериозни турбуленции.
„Можеме да потврдиме дека има повредени и еден фатален случај во Боингот 777-300ER. Во авионот имало вкупно 211 патници и 18 членови на екипажот. Сингапур ерлајнс изразува длабоко сочувство до семејството на починатиот“, соопшти компанијата. Тие додадоа дека „соработуваат со локалните власти во Тајланд за да им ја пружат потребната медицинска помош на повредените“ и испраќаат тим во Бангкок за да обезбеди дополнителна помош.
Авионот полетал во 22.38 часот од Велика Британија, но морал да се пренасочи кон главниот град на Тајланд, а слетал во 15.45 часот по локално време. Леташе на височина од 11.280 метри пред да падне на височина од 1.830 метри за околу три минути, покажуваат записите на летот.
ระดมเข้าช่วยเหลือ เหตุเครื่องบิน #สิงคโปร์แอร์ไลน์ ลงจอดฉุกเฉิน #สนามบินสุวรรณภูมิ
— Khaosodonline (@KhaosodOnline) May 21, 2024
วันที่ 21 พฤษภาคม 67 รายงานข่าวจาก #สนามบินสุวรรณภูมิ ระบุว่า เที่ยวบิน SQ321 ของ #สิงคโปร์แอร์ไลน์ เส้นทางลอนดอน-สิงคโปร์ ทำการบินด้วยโบอิ้ง 777-300ER… pic.twitter.com/DbndEfEU1j
Тајландските власти испратија дополнителни амбулантни возила и екипи за итни случаи на аеродромот Суварнабхуми. Се уште не е јасно што точно се случило во авионот.
Турбуленциите не се невообичаени за време на летовите, но сериозни инциденти како овој се ретки.
„Постојат некои сугестии дека авионот удрил во „воздушен џеб“ пред да мора да изврши итно слетување“, рече дописничката на Скај њуз, Корделија Линч.
„Повредите предизвикани од тешки турбуленции се релативно ретки во контекст на милиони летови што се случуваат низ светот. Сепак, тешките турбуленции може да бидат драматични и да доведат до сериозни повреди или, за жал, во овој случај, смрт“, рече Џон Стрикленд, експерт за воздухопловство за Би-Би-Си.
Летечките екипи имаат ресурси да ги предвидат турбуленциите и се обучени да реагираат кога ќе се појават, рече Стрикленд. „Не за џабе компаниите препорачуваат безбедносните појаси да останат врзани за време на летот, било да е тоа долг или краток“, додаде тој.