Рускиот претседател Владимир Путин, наредил испраќање на два авиони, хеликоптер и 50 спасувачи во Иран, во потрага по претседателот Ебрахим Раиси по кој се трага откако неговиот хеликоптер се сруши.
Тие вечерва заминуваат во Иран, и веднаш ќе се стават на располагање во потрагата по Раиси.
Според иранската новинска агенција ИРНА, патници на хеликоптерот биле: иранскиот претседател Ибрахим Раиси, министерот за надворешни работи Хосеин Амир Абдолахиан, ајатолахот Ал Хашеми, имамот на џамијата Табриз и гувернерот на провинцијата Источен Азербејџан Малик Рахмати.
Се верува дека несреќата се случила во област пошумена во близина на градот Јолфа на границата меѓу Иран и Азербејџан, при што временските услови, вклучително и маглата, ги прават спасувачките операции речиси невозможни.
