Украинскиот претседател Володимир Зеленски денеска предупреди дека неговата земја ќе ја загуби војната против Русија доколку ветената американска помош од 60 милијарди долари, што ја најави американскиот претседател Џо Бајден, остане блокирана во Конгресот од страна на републиканците. -Ако Конгресот не и помогне на Украина, Украина ќе ја изгуби војната, рече Зеленски во видео-обраќањето до претставниците на владината платформа за собирање средства за Украина. Зеленски порача дека ако Украина ја загуби војната, другите земји ќе бидат нападнати и дека Русија тогаш силно ќе испрати нуклеарна закана до западните земји. Американската програма за воена и економска помош за Киев од 60 милијарди долари е блокирана во Конгресот од минатата година поради поделбите меѓу демократите и републиканците, кои се подготвуваат за претседателските избори во ноември. Донесувањето на помошта е суспендирано по налог на поранешниот претседател и сегашен републикански претседателски кандидат Доналд Трамп.
