Најмалку 27 лица загинаа, а осум други се повредени во пожар во ноќен клуб во центарот на Истанбул за време на дневните поправки.
Седум од осумте повредени се во критична состојба, изјави градоначалникот на градот Екрем Имамоглу, додавајќи дека пожарот е изгаснат и дека повредените се згрижени во блиските болници.
Покрената е истрага за инцидентот, се вели во соопштението од канцеларијата на гувернерот на градот.
Турските медиуми објавуваат дека пламени јазици зафатиле 16-катната зграда на улицата „Јилдиз Поста“ во центарот на Истанбул, на европската страна на градот пресечен од Босфорот.
Пожарот започнал на вториот кат од висококатницата каде што беше сместен ноќниот клуб и се проширил нагоре.
Бројот на загинати во инцидентот првично беше објавен дека е 15, но подоцна беше ажуриран на 25, а потоа на 27 лица.
