Кошаркарот на Оклахома сити, Бизмак Бијомбо се онесвести за време на натпреварот против Портланд. Центарот на Оклахома колабираше при еден тајм-аут во првото полувреме. Падна на грб, по што му беше укажана помош и предвреме заврши во соблекувалната. Ова беше петти натпревар за Бијомбо откако на 10 февруари пристигна во Оклахома. Кошаркарот од ДР Конго, Бијомбо (31) ја игра 13. сезона во НБА лигата.
