Кандидатката за претседател на државата од Левица, Билјана Ванковска во 2019 година даваше безрезервна поддршка за кандидатката на ВМРО-ДПМНЕ, Гордана Сиљановска-Давкова и сметаше дека таа е предобра и не ја заслужуваме.
„Секој народ има власт каква што заслужува! Поразот на Силјановска покажува само дека си ги заслужуваме и Стево, и ЗЗ и Али. Гордана Силјановска Давкова е премногу добра за оваа колонија. Еден пријател ми рече одамна дека таа е 10.000 км над нивото на нашата политика. И’ честитам на стаменоста, достоинството, пристојноста и умот. Не ја заслужуваме. Таа стори сè што беше во нејзина моќ – ние ја изневеривме“ напиша Ванковска на социјалните мрежи тогаш.
Што се промени во овие пет години кај Ванковска, па сега Сиљановска не е повеќе предобра, туку таа се одлучува да се натпреварува против неа за позицијата Претседател на државата.
Сега Ванковска во нејзината кампања настапува остро против сите партии, вклучително и партијата на „предобрата“ Силјановска, ВМРО-ДПМНЕ.
