Пчелари од цела Грција денеска се собраа во центарот на Атина за да протестираат поради проблемите со кои се соочуваат, вклучително високите трошоци за производство и нелојалната конкуренција од увозниот мед, кој е означен како грчки.
Малку по девет часот утринава полицијата го затвори за сообраќај центарот на Атина, додека демонстрантите пристигнаа на плоштадот Синтагма, некои со камиони, пренесува Катимерини.
Претседателот на Здружението на професионални пчелари, Јоргос Сентентес, за државната телевизија ЕРТ изјави дека производителите бараат владата да престане со нелојалната конкуренција предизвикана од продажбата на увезениот мед како грчки по екстремно ниски цени.
