Откако ја официјализира кандидатурата за претседателските избори, гостиварскиот градоначалник Арбен Таравари го повика лидерот на ДУИ, Али Ахмети и тој да се кандидира.
„Отворено го поканувам господинот Али Ахмети да се натпреварува со мене и да вие изберете кој најдобро ве застапува, напиша Таравари на социјалната мрежа Фејсбук.
Таравари освен кампања, за претседателските избори, води и битка со Зијадин Села за тоа кој ќе ја преземе партијата Алијанса за Албанците, откако двајцата се разидоа околу прашањето како нивната партија треба да настапи на изборите.
