Воениот блогер Сергеј Кољасников на Телеграм напиша дека руската бирократија и Министерството за одбрана намерно кријат лоши вести од бојното поле од претседателот.
Тинк-тенк Институтот за проучување на војната (ISW) објави дека најавата на Кољасников се однесува на пропагандната операција во која руски официјални лица се обиделе да прикријат дека самоубиствените беспилотни летала уништиле неколку руски тенкови Т-72 и други борбени возила во близина на Новомикаиливка во Доњецката област минатата недела, пренесува „Newsweek“.
Кољасников напиша дека во 2004 година била основана Граѓанската комора на Русија, чија задача била правилно да го информира претседателот дури и за лошите вести. Сепак, според написите, Комората не ја завршила својата работа на задоволително ниво, па Путин во 2011 година го основал Фронтот на серускиот народ. Меѓутоа, и нејзините членови почнале да ја кријат вистината.
Кољасников пишува дека регионалните функционери често ги кријат своите неуспеси од Путин и дека армијата намерно испраќа генерали кои редовно комуницираат со претседателот, во Сирија. Официјалните лица тесно соработуваат со локалните медиуми за да спречат протекување на негативни информации во јавноста. Тоа е дел од руската култура каде што сакаат да ја оневозможат критиката и да зборуваат само за добри вести.
Кољасников смета дека по претседателските избори во март, на кои Путин сигурно ќе победи, ќе почнат апсењата на воените блогери.
