Брзите штачи можеби живеат подолго од оние кои се влечат – без разлика на нивната тежина, сугерира британско истражување. Физичката подготвеност е подобар показател за долговечноста од индексот на телесна маса, сугерираат научниците.
Пешачењето е едноставна и здрава физичка активност која има бројни придобивки за нашето тело и ум. Научните истражувања покажаа дека брзината со која одите може да влијае на вашето здравје и долговечност. Луѓето кои одат побрзо имаат помал ризик од смрт, особено од срцеви заболувања, во споредба со оние кои одат побавно. Исто така, брзото одење е поврзано со должината на теломерите, што се смета за маркер за биолошко стареење и животен век. Теломерите се краевите на нашите хромозоми кои се скратуваат со секоја клеточна поделба и обично се мерат во белите крвни зрнца бидејќи тие се одраз на должината на теломерите во другите ткива.
Истражувачите од Универзитетот во Лестер анализирале податоци за 474.919 луѓе со просечна возраст од 52 години во Велика Британија, во период од десет години помеѓу 2006 и 2016 година.
Оваа студија, објавена во списанието Mayo Clinic Proceedings, утврди дека брзото одење, најмалку 4 милји на час, е оптималната брзина за постигнување. Според тоа истражување, жените кои оделе со таа брзина можеле да го продолжат својот животен век за 15 години во споредба со жените кои пешачеле помалку од 3 милји на час. Зголемениот животен век на мажите кои оделе побрзо изнесувал и до 20 години. Оваа студија, исто така, покажа дека брзото одење е каузално поврзано со подолги теломери, независно од количината на минути поминати во вршењето на активноста.
Научниците откриле дека жените кои почесто одат имале очекуван животен век од 86,7 до 87,8 години, а мажите кои го одржувале темпото на одење дури и во старост имале животен век од 85,2 до 86,8 години. Бавните пешаци имале многу полоша перспектива: жените имале очекуван животен век од 72,4 години, а мажите 64,8 години доколку биле порелажени во движењата.
Брзото одење има повеќе здравствени придобивки, како што се согорување калории и слабеење, подобрување на здравјето на мускулите, зголемување на кардиореспираторната кондиција, подобрување на циркулацијата на крвта во мозокот, што штити од деменција, намалување на ризикот од смрт од сите причини и активирање на патеката АМПК кој е вклучен во важни физиолошки процеси, како што е регулацијата на автофагијата, процесот на самочистење на телото.
Автофагијата е начин на природата за чистење на оштетените протеини, складирани масти и други отпадни производи во нашите клетки. Недоволната автофагија е двигател на човечкото стареење и дегенеративни болести, додека, од друга страна, здравата автофагија е поврзана со подолг живот.
За да одите побрзо, треба да ја зголемите должината и зачестеноста на чекорите, да дишете правилно, да ги држите грбот и рамената исправени, да гледате напред, а не во подот, да ги нишате рацете, да носите удобна облека и чевли, да не влечете тешки чанти и да се загреете пред и да се истегне после одење.
Можете исто така да го следите вашиот напредок со педометар, фитнес нараквица или мобилна апликација и да си поставите реални и предизвикувачки цели. Брзото одење е идеална активност за луѓе од сите возрасти и фитнес нивоа, која може да се практикува секаде и во секое време. Ако сакате да го успорите времето, движете ги нозете побрзо и уживајте во многуте придобивки што брзото одење ќе ги направи за вашето здравје и долговечност.
