Верувале или не, секој одвреме-навреме со нетрпение очекува да слушне што предвидуваат ѕвездите кога се во прашање љубовта, благосостојбата, финансиите… а зошто да не се свртиме кон купување подароци според Зодијакот? Без разлика колку сте блиски со вашите пријатели или сакани, освен ако не ви кажат што точно сакаат, купувањето подароци може да биде непотребно стресно. Значи, кога е под притисок да се дојде до подарок што навистина ќе им се допадне, земањето во предвид карактеристиките на знакот навистина може да помогне.
Астрологот Сузан Милер наведува дека секој знак има нешто свое и дека тоа е критериумот за избор на подарок.
„Секој знак има одредени преференции и омилени активности“, вели Милер за Гламур, додавајќи:
„Кога купувате подароци врз основа на нечиј хороскопски знак, можете да се грижите за тие преференции и да му одберете нешто што навистина го сакаат“.
Најдобрите подароци за Овенот
Со Овните владее бестрашната и активна планета Марс, што ја објаснува нивната авантуристичка и натпреварувачка природа. Милер го нарекува Овенот како „претприемачи на зодијакот“, додавајќи дека „тие секогаш сакаат да победуваат и да даваат се од себе“.
Ако сакате да го израдувате Овенот, подарете му „убава блуза за работа или додатоци за домашна канцеларија“, вели таа.
Таа, исто така, препорачува подароци фокусирани на фитнес, како што се членство во клуб или паметен часовник.
Најдобрите подароци за Бикот
Со Бикот владее Венера, планетата на убавината и љубовта. Како такви, „тие се многу сензуални и секогаш го ценат допирот на селата, дури и ако живеат во град“.
Бикот сака цвеќе – можете да му набавите букет, домашно растение или можеби дури и консултација со градинар. Милер препорачува и „премиум парфем, ден во бања или мека, убава бањарка“.
Најдобрите подароци за Близнаците
Со Близнаците владее Меркур, планетата на комуникацијата и интелектот. Не е изненадување што Близнаците сакаат пенкало и хартија.
„Тие би ценеле добро пенкало или персонализиран канцелариски материјал. Близнаците можат да бидат и незаситни читатели кои сакаат да патуваат и да го истражуваат светот околу нив. „Убава чанта или добра книга би биле совршен подарок за нив“, додава Милер.
Најдобрите подароци за Ракот
Ракот е управуван од Месечината, која владее со домот и се што е поврзано со него. Обожаваат да готват и би ценеле нови садови или подарок картичка за час по готвење.
Раковите, исто така, можат да бидат многу ориентирани кон семејството и би уживале во сопствен фото албум.
Најдобрите подароци за Лавот
Лавот кој сака внимание е управуван од сонцето или „центарот на универзумот“. Тие сакаат да бидат најдобри секогаш и во сè.
Облеката од нивниот омилен моден дизајнер, шише шампањ или фенси производи за убавина се прифатливи подароци.
Најдобрите подароци за Девица
Како земјен знак, и Девиците сакаат се што е природно, сакаат календари, организатори, но и час по готвење би бил одличен подарок.
Најдобрите подароци за Вагите
Како и Бикот, така и со Вагата владее сензуална Венера. Идеален подарок би бил свилена блуза или навлака за перница.
Вагите ги ценат сите убави работи и можете да им подарите убави обетки или уметничко дело.
Најдобрите подароци за Скорпијата
Скорпиите можат да бидат мистериозни бидејќи со нив владее Плутон, планетата на страста и волјата, како и авантуристичкиот Марс.
„Шкорпиите сакаат убава долна облека, нешто црно и кожа. Сакаат персонализирани работи, па идејата е да им подариме некој накит со врежана посвета“, вели Милер.
Најдобрите подароци за Стрелец
Со Стрелец владее Јупитер, планетата на позитивноста и оптимизмот. Тој често се нарекува „Светски патник на Зодијакот“. Сакаат куфери, сите можни гаџети за патување.
Нивниот прв приоритет е авантурата, а втор е модата.
Најдобрите подароци за Јарецот
Познато практични и амбициозни, Јарците се управувани од Сатурн, планетата на дисциплина и зачувување. Сакаат работи кои имаат историска вредност, брош, книга, билет за музеј или интересна посета – тоа би сакале.
Најдобрите подароци за Водолија
Управувани од футуристичката планета Уран, знаците Водолија се ексцентрични, бунтовни и прогресивни.
Тие ја ценат технологијата и се грижат за планетата. Сè што ќе им дадете од модерни технологии е тотален хит.
Најдобрите подароци за Рибите
Со Рибите владеат планетите Нептун и Јупитер, кои претставуваат имагинација и оптимизам, соодветно. Овој воден знак дава приоритет на грижата за себе и ги цени луксузните подароци.
Ќе ги воодушеви и добра книга, билети за премиера или турнеја низ театарот.
