Француската морнарица собори два беспилотни летала над Црвеното Море во близина на брегот на Јемен, соопшти војската на земјата.
„Повеќенаменската фрегата на француската морнарица Лангедок собори два беспилотни летала кои полетаа директно кон неа од јеменскиот брег“, се вели во соопштението.
Јеменските Хути во изминатите неколку дена отворија оган врз израелски, американски и британски бродови во Црвеното Море, а американската војска објави дека соборила неколку нивни проектили.
Воениот портпарол на јеменската бунтовничка група ги предупреди сите бродски компании да не соработуваат со Израел, за да не бидат цел на напади во Црвеното Море.
