Израел подготви планови за поплавување на тунелскиот систем на Хамас под Појасот Газа со вода извлечена од Средоземното Море, пишува The Wall Street Journal.
Цитирајќи американски официјални претставници, во извештајот се вели дека израелските одбранбени сили (ИДФ) минатиот месец инсталирале пет големи пумпи за вода во близина на бегалскиот камп ал-Шати во градот Газа, кои се способни да ја поплават подземната мрежа во рок од неколку недели со испумпување на илјадници кубни метри вода на час во тунелите.
Официјални лица велат дека Израел ги предупредил САД за планот минатиот месец, но сè уште не одлучил дали да го спроведе.
