На климатскиот самит COP28 на Обединетите нации, меѓу земјите-учеснички имаше несогласување за завршување и намалување на употребата на фосилните горива, како и за тоа како западните земји ја поддржуваат замената на фосилните горива, додека некои источни и африкански земји остануваат скептични.
Норвешка, која е најголемиот европски производител на нафта и гас по Русија, е посветена на целосно елиминирање на штетните емисии на гас, позиција што ја поддржуваат западните земји, како и островските земји чувствителни на климата, некои африкански земји, вклучувајќи ги Кенија и Етиопија, и Јужноамериканските земји Колумбија и Чиле.
Против укинувањето на употребата на фосилни горива се Русија, Саудиска Арабија и Кина, која е најголемиот светски емитер на јаглерод.
Министерот за енергетика на Саудиска Арабија, принцот Абдулазиз бин Салман, изјави дека неговата земја во никој случај нема да се согласи на договор кој вклучува ставање крај или намалување на употребата на нафта, гас и јаглен.
„Фазата на намалување и постепено укинување на фосилните горива е неизбежна“, додаде Султан Ал Џабер, министер за индустрија и напредна технологија на Обединетите Арапски Емирати и шеф на Националната нафтена компанија од Абу Даби, согласувајќи се со изјавата на норвешкиот функционер.
Дел од претставниците на африканските земји најавија дека ќе се согласат постепено да се започне со имплементација на потенцијалниот договор, доколку богатите земји, кои подолго време произведуваат и користат фосилни горива, се согласат први да се повлечат од тој бизнис.
„Да се каже на Уганда да престане да користи фосилни горива е навреда. Тоа е исто како да и кажеш на нашата земја дека треба да остане во сиромаштија. Западот прв почна, прв треба да застане и ние ќе бидеме среќни што први ќе престанеме да преработуваме фосилни горива“, изјави Рут Нанкабирва, министерка за енергетика на Уганда, земјата која го започна процесот на отворање на првиот бунар годинава.
„Без разлика дали е на хартија или не, се случува постепено укинување на штетните материјали“, заклучи канадскиот министер за клима, Стивен Гилбо, и покрај загриженоста од Кина и другите нации за правичноста на таквиот исход за земјите во развој.
