На сила стапи четиридневното примирје во борбите меѓу Израел и Хамас. Ако успее, ќе ја означи првата пауза во борбите во речиси седум недели војна.
Привремениот договор за прекин на огнот вклучува и ослободување на 50 жени и деца, некои од приближно 240-те луѓе кои Хамас ги зеде како заложници за време на нападите на 7 октомври.
Се очекува денеска во 15 часот по наше време да биде ослободена првата група од 13 заложници. За возврат, Израел соопшти дека ќе ослободи 150 палестински жени и тинејџери кои се наоѓаат во неговите затвори.
Паузата во борбите, исто така, ќе донесе олеснување за 2,2 милиони Палестинци во Појасот Газа, со ветување за повеќе неопходна помош за енклавата според договорот.
Борбите продолжија до последните неколку моменти. Новинар на Би-би-си известува дека слушнал минофрлачки оган во близина на границата меѓу Израел и Газа. Израел рече дека ова не е крај на војната – владата вети дека ќе ја заврши својата мисија да го елиминира Хамас и да ги врати сите заложници.
Хамас – кој Израел, САД и другите западни сили ја опишуваат како терористичка организација – рече дека договорот ќе им даде време на Палестинците да се опорават од интензивниот израелски воздушен и копнен напад за кој нејзината влада во Газа вели дека уби повеќе од 14.500 луѓе.
BREAKING: The Israeli military has sounded sirens in two villages near the Gaza Strip warning of possible Palestinian rocket attacks, according to the news agency Reutershttps://t.co/PAiZ4D1jU3
— Sky News (@SkyNews) November 24, 2023
📺 Sky 501, Virgin 602, Freeview 233 and YouTube pic.twitter.com/EQAP08EAeo
На 15 минути пред почетокот на примирјето се огласија сирените на југот на Израел.