Над 50 деца се разболеле од кесички со пире од јаболка кои неодамна беа повлечени поради опасна контаминација со олово, соопшти Американската управа за храна и лекови (ФДА).
Агенцијата добила 52 извештаи за покачени нивоа на олово кај децата кои наводно ги консумирале производите, што е повеќе од 34 случаи пријавени минатата недела. Извештаите опфаќаат 22 држави и вклучуваат деца на возраст од 1 до 4 години, соопшти ФДА за истрагата.
Кесичките биле продавани на родители и деца под три марки и можеле да се најдат во национални синџири за намирници и онлајн трговци на мало како Амазон.
„Овој производ не треба да биде достапен за продажба и потрошувачите не треба да го купуваат или консумираат овој производ“, велат од агенцијата. Родителите треба да ги фрлат кесичките со празнење на содржината во ѓубрето и фрлање на пакувањето“, велат од агенцијата.
ФДА во средата соопшти дека го истражува изворот на контаминацијата во соработка со Центрите за контрола и превенција на болести. Агенцијата претходно соопшти дека циметот увезен од производител во Еквадор е „веројатниот извор“ на контаминацијата со олово.
Изложеноста на олово може да доведе до сериозни проблеми со учењето и однесувањето. Тешките метали како оловото може да навлезат во прехранбените производи од почвата, воздухот, водата или индустриските процеси, според Американската академија за педијатрија.
Нема безбедно ниво на изложеност на олово, но ЦДЦ користи маркер од 3,5 микрограми на децилитар за да ги идентификува децата со повисоки нивоа. Нивото на олово во крвта кај погодените деца се движело од 4 до 29 микрограми на децилитар.
