Над 190.000 евра се собрани денеска за Бразилец кој помогна да се запре нападот со нож врз деца во центарот на Даблин, што предизвика широко распространето улично насилство од страна на антимигрантските активисти кои веруваа дека напаѓачот е странец.
Пари за бразилскиот имигрант Каи Бенисио, испорачувач на храна на мотоцикл, се собрани во онлајн кампања.
Бенисио за медиумите изјави дека помогнал да се запре напаѓачот, маж на 50-годишна возраст, удирајќи го со кацига од мотор во главата.
Во друга акција биле собрани 81.000 евра за работникот од „расадник“, кој исто така помогнал напаѓачот да се држи подалеку од децата.
Насилни протести избувнаа во Даблин во четвртокот по нападот со нож малку по 13 часот по локално време во училиште во близина на плоштадот Парнел, во кој беа поведени најмалку пет лица, од кои едно тешко повредено девојче, додека другите две деца се со полесни повреди.
Полицијата уапси 34 лица по немирите во текот на ноќта во кои беа искршени излози и изгорени полициски автомобили и автобуси. Тие ги обвинија екстремно десничарските агитатори за започнување на насилството.
