Луис Хамилтон ги негираше тврдењата дека му се обратил на Ред Бул за потенцијална преселба во тимот, отфрлајќи ги како неточни, обвинувајќи го директорот на тимот, Кристијан Хорнер, за „мешање на работите“.
Претходно оваа недела, Хорнер изјави дека член од таборот на Хамилтон му пристапил на Ред Бул во врска со разговори за негова потенцијална преселба во тимот, пред британскиот возач да го продолжи договорот со Мерцедес.
Во врска со ова Хорнер изјави за Дејли Меил: „Неодамна, на почетокот на годината, имаше испитување за тоа дали ќе има некаков интерес од наша страна“.
Сепак, зборувајќи пред Големата награда на Абу Даби овој викенд, последната трка во сезоната, Хамилтон категорично го отфрли тврдењето.
„Проверив со сите во мојот тим и никој не разговараше со нив. Сепак, тој ми се обрати на почетокот на годината за средба“, рече тој. „Го зедов мојот стар телефон што го најдов дома. Го имал мојот стар број. Го вклучив и пристигнаа стотици пораки. Едната беше од Кристијан за да се сретнеме“.
Хамилтон потпиша нов договор со Мерцедес во август по долг период на преговори. Тој отсекогаш инсистираше на тоа дека очекува да ја види својата кариера во тимот и рече дека разговарал со директорот на тимот, Тото Волф, за да го увери дека нема вистина во приказната веднаш штом биле објавени коментарите на Хорнер.
38-годишниот Хамилтон исто така истакна дека не мисли дека Макс Верстапен од Ред Бул, актуелниот светски шампион кој има 18 победи од 21 трка оваа сезона, би го сакал за тимски колега.
