Колумбија почна да ги стерилизира нилските коњи кои потекнуваат од животни кои илегално ги донел во земјата наркобосот Пабло Ескобар во 1980-тите.
Нилските коњи се прошириле од имотот на Ескобар во блиските реки и сега ги има над 100.
Владата планира да стерилизира 40 нилски коњи годишно, да префрла други во различни земји и може да изврши еутаназија на некои од животните.
Нилските коњи немаат природно живеалиште во Колумбија и се прогласени за инвазивен вид што може да го наруши екосистемот.
За стерилизацијата е потребно време, бидејќи обележувањето и фаќањето на територијалните, агресивни животни од 3 тони е комплицирано, рече Дејвид Ечевери Лопез, шеф на канцеларијата за животна средина задолжен за планот.
Група нилски коњи била донесена во 1980-тите во приватната зоолошка градина на Ескобар, Хациенда Наполес, која станала туристичка атракција по неговата смрт во 1993 година.
Повеќето од животните живеат слободно во реките и се размножуваат без контрола. Владата проценува дека во Колумбија има 169 нилски коњи – и дека доколку не се преземат мерки, до 2035 година би можело да има 1.000.
