Четири лица се уапсени поради сомнение дека сториле кривично дело изнуда на деца за порнографија, соопшти Министерството за внатрешни работи на Република Српска.
Уапсени се Д.Д. од Приједор, З.Т. од Козарска Дубица, Б.Ј. од Модрича и Ж.М. од Теслиќ.
Тие беа уапсени од припадници на Единицата за високотехнолошки криминал на Одделот за криминалистичка полиција на полицијата на Српска во соработка со полициските управи на Приједор, Добој и Градишка во акцијата „Мозаик 2023“, која МВР на Српска ја спроведува во соработка со Европол и со полициите на Србија, Словенија, Хрватска и Македонија.
