Македонскиот репрезентативец Филип Кузмановски е слободен играч откако спогодбено го раскина договорот со ракометниот клуб Вецлар.
Клубот поттврди дека Кузмановски заминал пред истекот на договорт, кој траеше до крајот на актуелната сезона.
„Договорот спогодбено е раскинат. Филип побара од нас да дозвола да го напушти клубот, ние му го овозможивме тоа, бидејќи за жал тој не ги исполни во целост нашите спортски очекувања. Му благодариме на Филип за неговата посветеност и му посакуваме се најдобро во иднина“, изјави директорот на Вецлар, Бројн Сеп.
Кузмановски за Вецлар одигра вкупно 27 натпревари и постигна 25 голови. Во кариерата бил играч на Пелистер, Металург, Еурофарм Работник. Магдебург и Хановер.
