Со сезоната на настинки и грип, вреди да се запрашаме дали има некоја научна вистина во тоа дека пилешката супа помага или, пак, служи само како утешна плацебо, обезбедувајќи психолошка поддршка додека сме болни, без вистинска терапевтска корист?
Правењето пилешка супа за некој близок кога е болен е вообичаена практика за луѓето ширум светот со векови. Денес, генерации од речиси секоја култура се колнат во придобивките од пилешката супа.
Потеклото на пилешката супа датира пред илјадници години, од античка Кина.
Она што на супата и дава карактеристичен вкус е „умами“, што на јапонски значи „нежен“ – според источната класификација, петта категорија на сензации на вкус, покрај слатко, солено, кисело и горчливо.
Пилешката супа е еликсир кој го подобрува апетитот и го помага варењето. Ова има смисла, бидејќи аминокиселините се градежни блокови на протеините, а аминокиселината глутамат се наоѓа во храната со „умами“ вкус. „Умами“ храна е и сирење, печурки, мисо и соја сос.
Истражувањата покажуваат дека вкусот е најважен за лековитите својства на пилешката супа. Тоа е затоа што акутните болести предизвикуваат воспалителен одговор кој може да го намали апетитот.
Пилешкото месо е одличен извор на аминокиселина цистеин, состојка позната по тоа што ги ублажува симптомите на настинка.
Дополнително, зеленчукот и зачините кои влегуваат во пилешката супа, исто така, можат да обезбедат важни минерали, антиоксиданси и амино киселини кои му помагаат на имунолошкиот систем на нашето тело да се бори против вирусите.
Пилешката супа обезбедува течности и електролити кои му помагаат на телото да се бори против инфекции кога е болен.
Самата топла супа помага и да се отворат блокираните назални делови, што помага да се намалат симптомите на настинка и грип.
Според некои истражувања, пилешката супа може да влијае на активноста на белите крвни зрнца, кои се одговорни за воспалителниот одговор на телото на инфекција. Пилешката супа може да ја инхибира способноста на неутрофилите, еден вид бели крвни зрнца, да патуваат до воспаленото ткиво и на тој начин да го намали воспалението и симптомите како затнат нос, кашлица и болки во грлото.
