Министрите за надворешни работи на Јордан, Египет, Саудиска Арабија, Обединетите Арапски Емирати и Катар в сабота во Аман ќе се сретнат со американскиот државен секретар Антони Блинкен за да разговараат за конфликтот меѓу Израел и Хамас.
Во соопштението на јорданското Министерство за надворешни работи се нагласува дека претставник на палестинската управа, исто така, ќе се приклучи на разговорите што ќе се фокусираат на „реперкусиите … од опасната ескалација што ја загрозува безбедноста во целиот регион“.
