Џон Клиз рече дека „едвај може да поверува“ во одлуката на GB News да го ангажира за презентер поранешниот премиер Борис Џонсон, објави Гардиен.
Во недела, ѕвездата на Fawlty Towers ќе го има своето деби на каналот за вести со новото шоу „Часот на диносаурусите“ во кое Клиз (84) интервјуира голем број луѓе од замок од 12 век.
Денес, еден ден пред да се појави на екранот, Клиз повторно објави слика од Борис Џонсон на X, порано Твитер, и напиша дека не може да верува дека GB News ангажирал „сериски лажго“.
„Тешко дека можам да верувам дека GB News ќе му даде своја програма на овој докажан сериски лажго“, напиша тој.
Џонсон е последниот конзервативен политичар кој најде место во радиодифузерот. Во видеото објавено на социјалните мрежи во петокот, поранешниот премиер најави дека ќе ги даде своите „неизвалкани ставови“ на каналот.
Клиз е најпознат по Летечкиот циркус на Монти Пајтон и по играњето на Басил Фаули во хит ТВ серијата Fawlty Towers.
