Денеска, на 19-тиот ден од војната на Израел со Хамас, Светската здравствена организација ја повика палестинската организација да обезбеди докази за животите на заложниците што ги држи и да ги ослободи сите „од здравствени причини“.
„Итно е оние кои ги фатија заложниците да докажат дека се живи и дека се згрижени, како и сите заробеници да бидат ослободени, од хуманитарни и здравствени причини“, изјави генералниот директор на Светската здравствена организација Тедрос Аданом Гебрејесус.
Според новите податоци на израелското Министерство за одбрана, Хамас киднапирал 222 лица и ги држи како заложници.