Според неодамнешните истражувања, температурата на телото не се смета за покачена додека не ја надмине 38-та поделба на Целзиусова скала. Затоа не се препорачува спуштање на температурата со лекови додека не биде повисока од 38,5 степени Целзиусови.
Нормалната телесна температура варира од 36,5 до 37,5 степени, што секако не значи дека не сте болни ако имате 37 со 5.
Неодамнешната анализа покажа дека просечната температура на човечкото тело денес е пониска отколку во 19 век, што е последица на бројните физиолошки промени во човечкото тело во последните сто години, пренесува еКлиника.
Температурата на телото е под влијание на многу други фактори, како што се начинот на живот, возраста, температурата на околината, физичката активност, храната, пијалокот, спиењето, времето од денот и менструалниот циклус.
Температурата на телото е исто така показател за метаболичкото здравје. Авторите на новата студија, објавена во списанието I Life, сугерираат дека температурата на телото укажува на стапката на метаболизам, што некои го поврзуваат со долговечноста и виталноста на организмот.
Експертите од Универзитетот Стенфорд во Калифорнија неодамна спроведоа истражување, со цел да утврдат дали пониската телесна температура е показател за подобро здравје и подолг животен век на современиот човек.
Денес, просечната телесна температура на мажите е за 0,59 степени Целзиусови пониска од температурата на мажите родени во почетокот на 19 век. Температурата на телото кај жените се намалила за 0,32 степени од деведесеттите години на 19 век до денес.
Ова истражување откри пад на просечната температура од 0,03°C во текот на секоја деценија.
Сепак, имајќи предвид дека полот, времето од денот и возраста може да ја променат температурата на телото, истражувачите сè уште не советуваат ажурирање на стандардот, за кој се знае дека е 37 степени Целзиусови.
Научниците веруваат дека оваа промена покажува дека нашите тела користат помалку енергија денес, како и помала стапка на воспаление денес.
Притоа, телото на постарите луѓе не реагира на болести како што реагираат помладите. Сериозните инфекции кај постарите обично предизвикуваат симптоми како што се конфузија или губење на тежината, наместо треска.
Лекарите сметаат дека температурата која е за 2 степени повисока од вообичаената е знак за инфекција. Високата температура обично е знак дека телото се бори со инфекција, па затоа најважно е да се открие причината.
