Високиот претставник на Хамас, Салех ал-Ароури рече дека милитантната група, која раководи со Газа, е подготвена „за сите опции, вклучително и војна и ескалација на сите нивоа“.
„Подготвени сме за најлошото сценарио, вклучително и копнена инвазија, што ќе биде најдобро за нас да го решиме крајот на оваа битка“, изјави Ал-Ароури за Ал Џезира.
Ал-Ароури тврди дека има тековни „интензивни меѓународни и регионални нaпори“ за ставање крај на кризата, „но сега ништо нема да биде поважно од битката“.
Во меѓувреме, бригадите Изедин ал Касам, вооруженото крило на Хамас, објавија дека се уште се борат на 25 локации.
Групата, исто така, во соопштението наведе дека има тековни судири во воената база Реим во близина на северниот граничен премин на Газа со Израел.
